KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Sahibkarlar “Bakı KOB evi”nə daha çox hansı dövlət xidmətləri üçün müraciət edirlər “Startap” şəhadətnaməsinin dublikatını almaq olurmu? KOBİA investorları KOB-ların və startapların layihələrinə sərmayə qoymağa çağırır KOB-ların “yaşıl iqtisadiyyat”a transformasiyası və “yaşıl maliyyələşmə”yə dair seminar keçirilib 6 mikro sahibkara “Startap” şəhadətnaməsi verilib Azərbaycan və Pakistan iş adamları arasında B2B görüşlər keçirilib KOBİA nümayəndələri Səudiyyə Ərəbistanında səfərdə olub Sumqayıtda qadın sahibkarlarla görüş keçirilib “Qarabağ KOB-ları” proqramı 2024-cü ildə də davam etdiriləcək “Sahibkarlar Günü”nə həsr olunmuş konfrans keçirilib

Dövlət-sahibkar əməkdaşlığı platforması çərçivəsində KOB-larla görüşlər keçirilir 04.02.21

Mikro, kiçik və orta sahibkarlıq subyektlərinin çətinliklərinin və ehtiyaclarının öyrənilməsi, təkliflərinin dinlənilməsi və müvafiq qurumlara çatdırılması məqsədilə dövlət-sahibkar əməkdaşlığı platforması çərçivəsində sahibkarlarla sahəvi görüşlər davam etdirilir.

Kiçik və Orta Biznesin İnkişafı Agentliyi (KOBİA) tərəfindən təkcə yanvar ayında 20-dən çox rayon və şəhər üzrə 350-yə yaxın sahibkarın, eləcə də aidiyyəti qurumların iştirakı ilə sahəvi görüşlər təşkil edilib.

Turizm və ictimai iaşə sektorunun sahibkarları ilə keçirilmiş onlayn görüşlərdə pandemiya səbəbindən bu sahələrdə yaranmış çətinliklər, göstərilən dövlət dəstəyi və müxtəlif güzəştlərin tətbiqi imkanları, maliyyə resurslarına çıxış, regionların turizm üzrə yol xəritələrinin tərtibi, aqro-turizmin inkişafı, turizm xidmətləri təklif edən onlayn platformaların yaradılması kimi məsələlər aidiyyəti qurumların və biznes assosiasiyaların iştirakı ilə müzakirə edilib.

Saatlı rayonundan olan 40-a yaxın arıçı ilə təşkil edilmiş görüşdə bu sahədə qablaşdırma müəssisəsinin yaradılması, satış və brendləşdirmə, biyan balı istehsalı və biyan bitkisinin artırılması üçün müvafiq sahələrin ayrılması, laborator mərkəzlərin sayının çoxaldılması, ixrac, bal məhsuluna qida rasionunda daha çox yer verilməsi və sektorla bağlı digər məsələlər barədə fikir mübadiləsi aparılıb, müvafiq qurumların nümayəndələri tərəfindən sahibkarların sualları cavablandırılıb.

Qida, istixana təsərrüfatı, barama, pambıq və polietilen paketlərin istehsalı sahəsində fəaliyyət göstərən sahibkarlar və ixracatçı şirkətlərlə keçirilmiş sahəvi görüşlərdə isə müvafiq olaraq, istixanalarda yetişdirilən məhsulların satış bazarlarına çıxarılması, ixracla bağlı yaranan çətinliklər, istixanalarda məhsulun istehsalına çəkilən xərcin azaldılması yolları, baramanın saxlanılması üçün yerlər və yem bazası, pambıq bitkisinin gövdəsindən mebel sənayesində yarımfabrikat kimi istifadə, polietilen paketlərin istehsalı ilə bağlı qanunvericiliyə edilmiş sonuncu dəyişikliklər və milli standartların tətbiqi kimi məsələlər müzakirə edilib.

KOBİA-nın “KOB Dostu” şəbəkəsi vasitəsilə növbəti aylarda da dövlət-sahibkar əməkdaşlığı platforması çərçivəsində regionlar üzrə KOB subyektləri ilə sahəvi görüşlərin keçirilməsi davam etdiriləcəkdir.