Dövlət-sahibkar əməkdaşlığı platforması çərçivəsində sahibkarlarla görüşlər davam edir. Növbəti belə görüş dövlət qurumları ilə sahibkarlar arasında əlaqələrin operativ təşkili mövzusuna həsr olunub. Göyçay rayonunda Kiçik və Orta Biznesin İnkişafı Agentliyinin (KOBİA) təşkilatçılığı, aidiyyəti dövlət qurumlarının iştirakı ilə keçirilmiş tədbirə istehsal, xidmət, ticarət və kənd təsərrüfatı sahələrində fəaliyyət göstərən 100-ə yaxın sahibkarlıq subyekti qatılıb.
Tədbirdə sahibkarlara dövlət və özəl qurumlar tərəfindən göstərilən xidmətlər, o cümlədən yeni dəstək mexanizmləri barədə ətraflı məlumat verilib, onları maraqlandıran suallar cavablandırılıb.
Həmçinin, tədbirdə iştirak edən gənc sahibkarlar və öz biznesini qurmaq istəyən şəxslər KOBİA-nın dəstək və xidmətləri barədə məlumatlandırılıb.
Powered by Froala Editor
