Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOBİA-nın dəstəyi ilə KOB-lar “Caspian Oil & Gas” sərgisində məhsul və xidmətlərini nümayiş etdirirlər Xızı rayonunda sahibkarlarla görüş keçirilib “Yerli şirkətlərin tanıtım sərgisi”ndə məhsul və xidmətlərini təqdim etmək istəyən mikro və kiçik sahibkarların nəzərinə! ELAN AQEM-in Biznes Şurasının İdarə Heyətinin onlayn iclası keçirilib Daxili bazar araşdırmasının aparılmasına görə ödənilən dəstək məbləği nə qədərdir və bu məbləğ nəyə əsasən müəyyən edilir? Qazax-Tovuz iqtisadi rayonu üzrə sahibkarların müraciətləri dinlənilib “Xaçmaz KOB evi”nin Xudat Xidmət Mərkəzində Kənd Təsərrüfatı Nazirliyinin xidməti masası fəaliyyətə başlayıb WUF13 çərçivəsində KOB-ların dayanıqlı şəhər inkişafında rolu müzakirə edilib Dayanıqlı şəhərlər və mavi-yaşıl infrastruktur müzakirə olunub
“Brave Heart” Region Gənclərinin II Sahibkarlıq Forumu keçiriləcək 01.11.21
“Brave Heart” Region Gənclərinin II Sahibkarlıq Forumu keçiriləcək

26-27 noyabr tarixlərində Gəncə şəhərində “Brave Heart" Region Gənclərinin II Sahibkarlıq Forumu təşkil olunacaq. Azərbaycan Respublikasının Gənclər Fondunun maliyyə dəstəyi və “Odlar Yurdu” Gənclər İctimai Birliyinin təşkilatçılığı, Kiçik və Orta Biznesin İnkişafı Agentliyi (KOBİA), Dövlət Məşğulluq Agentliyi və Kiçik və Orta Biznes Subyektləri və Klublarının Assosiasiyasının tərəfdaşlığı ilə keçiriləcək forum “Nizami Gəncəvi ili” nə həsr olunub. 

 

Tədbirin keçirilməsində məqsəd ölkə regionlarında yaşayan gənclərin sahibkarlıq fəaliyyətinə cəlb olunması, bu istiqamətdə onların həvəsləndirilməsi, biznes ideyalarının reallaşdırılması və dəstək mexanizmləri haqqında məlumatlandırılması, bilik və bacarıqlarının inkişafı və özünüməşğulluqlarının təmin edilməsinə dəstək olmaqdır. Forum çərçivəsində region gəncləri uğurlu iş adamları, sahibkarlar və investorlarla görüşmək imkanı əldə edəcək, peşəkar mütəxəssislərin təqdimatlarını dinləyəcəklər. Gənclərə mövcud biznes ideyaları əsasındabiznes planın hazırlanmasında Kiçik və Orta Biznesin İnkişafı Agentliyi (KOBİA) tərəfindən müvafiq dəstək göstəriləcək, mövcud sahibkarlıq fəaliyyətləri peşəkarların iştirakı ilə təhlil ediləcək və onların düzgün istiqamətləndirilməsi üçün müvafiq  addımlar atılacaqdır. Bununla yanaşı, layihə çərçivəsində iştirakçılar tərəfindən hazırlanan 10 uğurlu biznes plan Dövlət Məşğulluq Agentliyinə təqdim ediləcək və həmin gənclərin sahibkarlıq fəaliyyətinə başlaması üçün avadanlıqlarla təmin olunmasına imkan yaradılacaq.


Forum nəticəsində 10 yeni gənc sahibkarlıq subyektinin yaradılması nəzərdə tutulur.  

Tədbirdə iştirak etmək istəyən region gəncləri aşağıdakı linkdən qeydiyyatdan keçə bilərlər: https://oygib.az/bh-qeydiyyat  

Powered by Froala Editor