Kiçik və Orta Biznesin İnkişafı Agentliyi sahibkarlara biznesin planlaşdırılması, biznesə başla, biznesi işlət və biznesini inkişaf etdir olmaqla 4 mərhələ üzrə dəstək göstərir. Bu mərhələlərin hər biri müxtəlif dəstək və xidmətlərdən ibarətdir. Agentlik biznesə yeni başlayanları öz planlarına uyğun olaraq atmalı olduqları addımlar barədə məlumatlandırır və onları müvafiq qurumlarla əlaqələndirir. Biznesin qeydiyyatı, sahibkarlıq fəaliyyəti üçün zəruri olan lisenziya və icazələr, dövlətin dəstək alətləri və digər inzibati məsələlər üzrə məsləhət xidməti göstərir. Növbəti mərhələdə sahibkarların biznes sahəsində bilik və bacarıqlara yiyələnməsi, eləcə də mövcud biliklərini təkmilləşdirməsi üçün onlara ödənişsiz təlimlər təklif edilir. Sahibkarlıq fəaliyyətinə başlamaq üçün vacib olan biznes kreditinin əldə edilməsi məqsədilə KOBİA biznes planın hazırlanmasında da biznes subyektlərinə dəstək olur. Yeni biznesə başlamaq üçün bazar araşdırması vacib olduğu üçün, KOBİA bazar araşdırmalarının aparılmasına 20 min manata qədər maliyyə dəstəyi göstərir.

Powered by Froala Editor