Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Biznesə xidmət sahəsində innovativ model kimi KOB evlərinə maraq artır “Qarabağ KOB-ları 2026” layihəsi üzrə daha 55 nəfər təlimlərə cəlb olunub Cari ilin I yarısında KOB evlərində sahibkarlara 312 mindən çox xidmət göstərilib ELAN KOBİA-da sahibkarların müraciətləri dinlənilib 2026-cı ilin I yarısında 131 Çağrı Mərkəzi 5000-ə yaxın müraciəti cavablandırıb “İnvestisiya səyahəti” layihəsi çərçivəsində növbəti görüş Ağsuda keçirilib “Startap” şəhadətnaməsi almış bizneslər inkişaf edir 2026-cı ilin I yarısında sahibkarlarla 50-dən çox görüş təşkil olunub Sahibkarlarla növbəti görüş Mingəçevir şəhərində təşkil olunub
Balakən rayonunda KOB dostu fəaliyyətə başlayıb 07.06.23
Balakən rayonunda KOB dostu fəaliyyətə başlayıb

Balakəndə fəaliyyətə başlayan KOB dostu rayonda biznesin inkişafına, yeni KOB-ların yaranmasına, sahibkarların investisiya təşəbbüslərinin reallaşdırılmasına və maraqlarının müdafiəsinə dəstək göstərəcək.

Balakən rayonunda KOB dostu fəaliyyətə başlayıb. Bununla da Şəki-Zaqatala iqtisadi rayonu üzrə KOB dostlarının sayı 5-ə çatıb. KOB dostu Balakən və ətraf rayonlarda yeni KOB subyektlərinin yaranmasına və biznesin inkişafına, sahibkarların investisiya təşəbbüslərinin reallaşdırılmasına, maraqlarının müdafiəsinə dəstək göstərəcək, biznes fəaliyyəti barədə məlumatlandıracaq. 

Balakəndə KOB dostunun fəaliyyətə başlaması ilə əlaqədar iyunun 7-də Kiçik və Orta Biznesin İnkişafı Agentliyinin (KOBİA) və Balakən Rayon İcra Hakimiyyətinin təşkilatçılığı ilə sahibkarlarla görüş keçirilib. Aidiyyəti dövlət qurumlarının nümayəndələrinin və sahibkarların iştirakı ilə keçirilən tədbirdə sahibkarların biznesin qurulması və inkişaf etdirilməsi sahəsində ehtiyaclarına dair fikir və təklifləri dinlənilib, dövlət dəstəyi mexanizmləri, o cümlədən KOBİA-nın dəstək və xidmətləri barədə məlumat verilib, onları maraqlandıran suallar cavablandırılıb. 

Balakən Rayon İcra Hakimiyyətinin başçısı İslam Rzayev rayonda biznes fəaliyyəti barədə məlumat verib, KOB dostunun rayonda mikro, kiçik və orta biznes subyektlərinin inkişafına dəstək olacağına əminliyini qeyd edib. 

KOBİA-nın İdarə Heyətinin sədri Orxan Məmmədov Agentlik tərəfindən sahibkarlara göstərilən dəstək və xidmətlər, o cümlədən KOB dostu mexanizmi barədə danışıb. Qeyd olunub ki, hazırda ölkənin 41 şəhər və rayonunda KOB dostu ofisləri fəaliyyət göstərir. Balakən KOB dostu rayonun iqtisadi potensialından maksimum istifadə etməklə dövlət dəstəyi mexanizmləri çərçivəsində sahibkarlığın inkişafına və yeni KOB subyektlərinin yaranmasına, onların maraqlarının müdafiəsinə dəstək olacaqdır. Sahibkarlar Balakən KOB dostları ilə fəal əməkdaşlığa dəvət edilib.

Sonra Balakən KOB dostu rayonun biznes ictimaiyyətinə təqdim edilib, sahibkarlar KOB dostunun fəaliyyət göstərəcəyi ofislə tanış olublar. Digər KOB dostu ofislərində olduğu kimi, Baləkən KOB dostu ofisində də sahibkarlara xidmət göstərilməsi, onlarla görüşlərin keçirilməsi üçün lazımi şərait yaradılıb. Burada “KOB könüllüləri” də fəaliyyət göstərəcək. 

Powered by Froala Editor