KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Sahibkarlar “Bakı KOB evi”nə daha çox hansı dövlət xidmətləri üçün müraciət edirlər “Startap” şəhadətnaməsinin dublikatını almaq olurmu? KOBİA investorları KOB-ların və startapların layihələrinə sərmayə qoymağa çağırır KOB-ların “yaşıl iqtisadiyyat”a transformasiyası və “yaşıl maliyyələşmə”yə dair seminar keçirilib 6 mikro sahibkara “Startap” şəhadətnaməsi verilib Azərbaycan və Pakistan iş adamları arasında B2B görüşlər keçirilib KOBİA nümayəndələri Səudiyyə Ərəbistanında səfərdə olub Sumqayıtda qadın sahibkarlarla görüş keçirilib “Qarabağ KOB-ları” proqramı 2024-cü ildə də davam etdiriləcək “Sahibkarlar Günü”nə həsr olunmuş konfrans keçirilib

Bakı KOB İnkişaf Mərkəzi və bank olmayan kredit təşkilatları əməkdaşlıq edəcək 26.10.20

Mikro, kiçik və orta sahibkarlıq subyektlərinin maliyyə savadlığının artırılması və maliyyə resurslarına çıxışının yaxşılaşdırılması məqsədilə Kiçik və Orta Biznesin İnkişafı Agentliyinin (KOBİA) Bakı KOB İnkişaf Mərkəzi bank olmayan kredit təşkilatları (BOKT) ilə onlayn görüş keçirib. Tədbirdə BOKT-larda KOB subyektlərinin maliyyə resurslarına çıxışı, KOB-lar üçün tətbiq edilən maliyyə alətləri və onlardan istifadə imkanları, kredit müraciətlərinə dair müasir tələblər və s. müzakirə edilib.

Onlayn tədbirdə KOB-ların maliyyə resurslarına çıxışının yaxşılaşdırılması üçün KOBİA-nın strukturuna daxil olan KOB inkişaf mərkəzləri tərəfindən ödənişsiz olaraq təqdim edilən xidmətlər barədə məlumat verilib, mərkəzlərdə təşkil edilən təlim və seminarların, biznes planın hazırlanmasına göstərilən dəstəyin, məsləhət, şəbəkələşmə və digər xidmətlərin KOB-ların maliyyə savadlığının artırılmasında və maliyyə resurslarına çıxış imkanlarının genişləndirilməsində faydalı olduğu vurğulanıb.

Bakı, Sumqayıt və digər regionlarda fəaliyyət göstərən KOB inkişaf mərkəzlərində göstərilən xidmətlər KOB-larla yanaşı, kredit təşkilatlarının da işini asanlaşdıracaq və ölkə üzrə dayanıqlı, inkişafyönümlü sahibkarlıq xidmətlərinin artmasına dəstək olacaqdır. Görüşdə banklarla yanaşı, BOKT-lar da KOB inkişaf mərkəzləri ilə sıx əməkdaşlığa dəvət edilib.