Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOBİA-nın dəstəyi ilə KOB-lar “Caspian Oil & Gas” sərgisində məhsul və xidmətlərini nümayiş etdirirlər Xızı rayonunda sahibkarlarla görüş keçirilib “Yerli şirkətlərin tanıtım sərgisi”ndə məhsul və xidmətlərini təqdim etmək istəyən mikro və kiçik sahibkarların nəzərinə! ELAN AQEM-in Biznes Şurasının İdarə Heyətinin onlayn iclası keçirilib Daxili bazar araşdırmasının aparılmasına görə ödənilən dəstək məbləği nə qədərdir və bu məbləğ nəyə əsasən müəyyən edilir? Qazax-Tovuz iqtisadi rayonu üzrə sahibkarların müraciətləri dinlənilib “Xaçmaz KOB evi”nin Xudat Xidmət Mərkəzində Kənd Təsərrüfatı Nazirliyinin xidməti masası fəaliyyətə başlayıb WUF13 çərçivəsində KOB-ların dayanıqlı şəhər inkişafında rolu müzakirə edilib Dayanıqlı şəhərlər və mavi-yaşıl infrastruktur müzakirə olunub
Azərbaycanda ilk ulduz dərəcələri 17 hotelə təqdim olunub 30.09.21
Azərbaycanda ilk ulduz dərəcələri 17 hotelə təqdim olunub

Sentyabrın 30-da Azərbaycan Turizm Bürosu və Azərbaycan Hotel Assosiasiyası tərəfindən Milli Ulduz Təsnifat sistemi əsasında hotellərə ulduz dərəcələrinin verilməsi mərasimi keçirilib.

 

Tədbirdə çıxış edən Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov hotellərin rəqabətqabiliyyətinin artırılması və satış imkanlarının genişləndirilməsi üçün Milli Ulduz Təsnifatının əhəmiyyətli olduğunu, ulduz sertifikatı almış hotellərin bunu öz bizneslərində hiss edəcəklərinə ümidvar olduğunu bildirib. Pandemiyanın turizm sektoruna təsiri barədə fikirlərini bölüşən Orxan Məmmədov qlobal turizm sektorunun COVİD-19 pandemiyası dövründə neqativ təsirlərə məruz qalmış sahələrdən olduğunu qeyd edib. Bildirilib ki, Azərbaycan hökuməti tərəfindən genişmiqyaslı dəstək paketi hazırlanaraq pandemiyadan zərər çəkmiş bizneslərə, o cümlədən hotel sektorunda fəaliyyət göstərən sahibkarlara təqdim edilib. Həm pandemiya nəticəsində yaranmış yeni reallıqlar, həm də müştərilərin davranış və istəklərindəki dəyişikliklər, eləcə də texnoloji yeniliklər hotel sektorunda yeni tələblər formalaşdırıb. Belə şəraitdə turizm sənayesinin iştirakçıları qlobal rəqabətə davam gətirmək üçün yeni çağırışlar ilə ayaqlaşmalıdır. “Ölkəmizdə turizm sektoruna dövlət səviyyəsində mühüm diqqət göstərilir. Təsadüfü deyildir ki, post-pandemiya dövründə iqtisadi artımın drayverlərindən biri kimi məhz daxili turizm müəyyən edilib. Qarabağ bölgəsinin işğaldan azad edilməsi turizmin inkişafı üçün yeni mərhələ açır. Bu bölgənin gözəlliyi, iqlim şəraiti, təbii resursları və zəngin mədəni abidələri təkcə ölkəmizin deyil, bütövlükdə dünya səyahətçiləri üçün yeni turizm marşrutunun yaradılmasına gətirib çıxaracaqdır” – deyə Orxan Məmmədov vurğulayıb.

 

Qeyd edək ki, 2019-cu ilin dekabrında Azərbaycan Turizm Bürosuna Azərbaycan Akkreditasiya Mərkəzi tərəfindən hotellərə ulduz verilməsinə görə uyğunluğun qiymətləndirilməsi akkreditasiya attestatı verilib. Sənədə əsasən Milli Hotel Ulduz Təsnifat Sisteminin icrası Azərbaycan Turizm Bürosu və Azərbaycan Hotel Assosiasiyası arasında imzalanan birgə fəaliyyət müqaviləsinə əsasən həyata keçirilir.

Powered by Froala Editor