Please ensure Javascript is enabled for purposes of website accessibility
Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Gəncə və Göygöl şəhərlərində dövlət dəstəyi ilə 15 qonaq evi yaradılıb Mingəçevir, Astara və Samuxda sahibkarlarla görüşlər keçirilib Reklam sektorunun inkişafına dair ictimai müzakirə təşkil olunub Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib
Azərbaycanda ilk dəfə süni intellektlə işləyən reklam robotu hazırlanıb 15.05.24
Azərbaycanda ilk dəfə süni intellektlə işləyən reklam robotu hazırlanıb

"Troniq" MMC reklam robotunun istehsalı və satışına görə Kiçik və Orta Biznesin İnkişafı Agentliyindən (KOBİA) “Startap” şəhadətnaməsi alıb.

MMC-nin direktoru Anar Nəbiyevin sözlərinə görə, süni intellekt əsasında hazırlanmış, üzərində reklamlar yerləşdirilməsi mümkün olan 4 televizorun olduğu robot rəqəmsal xəritə əsasında, heç bir maneə ilə rastlaşmadan gəzir, özü enerji yığır və enerji yığmanı dayandırır. Uzaqdan idarə olunan bu hərəkətli televizorlarda forum da təşkil etmək mümkündür. Televizor hər bir ekranın qarşısında neçə nəfər kişi və qadının dayandığını, onların yaşlarını müəyyən edir və həmin şəxsləri yaş qruplarına bölərək nəticə haqqında hesabat verir.

“Robot harada gəzdiyini özü beynində müəyyən edir. Onun 8 kamerası var, hər yeri görür və beynində analiz edir ki, məsələn, bu qapıdan keçə bilər, ya yox. Keçə bilməsə, özü üçün başqa alternativ yol tapır. Robot təxminən 4 saat fasiləsiz gəzir, enerjisi 20 faizə düşən kimi özü enerjisini yığmağa başlayır. 

Bir saat enerji yığdıqdan sonra yenidən gəzintiyə davam edir. Bu ağıllı sistemin hələ ki, alternativi yoxdur”, deyən A.Nəbiyev bildirib ki, robot sırf Azərbaycan məhsulu sayılır. Digər ölkələrdə bu robota oxşar məhsullar olsa da, belə bir reklam robotu yalnız bizdə var.

“Artıq Azərbaycanda keçirilən bir sıra tədbirlərdə bu robotdan istifadə edilib. Məsələn, “Asan xidmət”də, Baku Ekspo Mərkəzində keçirilən tədbirlərin mövzusu üzrə reklam videoçarxı hazırlayıb robotun televizorunun ekranına qoymuşdular. “Azfarma” şirkəti də öz tədbirində dərmanlarını və digər məhsullarını robot vasitəsilə reklam edib. Reklam istənilən mövzu üzrə hazırlana bilər”. MMC-nin direktoru qeyd edib ki, robotun qapalı məkanda istifadə edilməsi daha məqsədəuyğundur, çünki o, açıq havada gəzə bilsə də, üzərinə günəş şüası düşdüyü halda effektlə işləmir. Bu səbəbdən, cihazdan yalnız axşam saatlarında açıq havada istifadə etmək olar. Startapçının sözlərinə görə, hazırladıqları robotda bütün istehsalçılar, alğı-satqı ilə məşğul olanlar öz reklamlarını yayımlaya bilərlər. Təxminən 200 kq çəkisi olan robotun satış qiyməti 160 min manatdır, gündəlik olaraq 2000 manata icarəyə verilir. “İlk cihaz artıq bir ilə yaxındır ki, təqdim edilib, lakin onun hazırlanması 6 il çəkib. Əgər sifariş olarsa, yenə də hazırlaya bilərəm. Dövlət qurumları da bu cihaza ciddi maraq göstərir və onu tədbirlərə dəvət edirlər”.

https://vergiler.az/news/economy/30192.html

Powered by Froala Editor