Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Asiya İnkişaf Bankının nümayəndələri “Bakı KOB evi”ndə olub Klasterləşmə – sahibkarlar üçün imkanlar və perspektivlər Oğuzda sahibkarlığın inkişafı və biznes imkanları müzakirə olunub “Yerli şirkətlərin tanıtım sərgisi” keçiriləcək KOB evi modeli, bu mexanizmin sahibkarlar üçün əhəmiyyəti “Gəncə KOB evi” sahibkarlar üçün yeni imkanlar yaradır KOBİA-da Azərbaycan-Qırğızıstan biznes əməkdaşlığına dair görüş keçirilib Sahibkarlar birgə maliyyələşmə proqramından necə yararlana bilərlər? “Caspian Agro Week” və “InterFood Azerbaijan” sərgilərində məhsul və xidmətlərini təqdim etmək istəyən KOB-ların nəzərinə! Azərbaycan Texnologiya Universitetinin tələbələri “Gəncə KOB evi”ndə olub
Azərbaycanda biznesin rəqəmsallaşmasına həsr olunmuş hesabatın təqdimatı keçirilib 27.04.22
Azərbaycanda biznesin rəqəmsallaşmasına həsr olunmuş hesabatın təqdimatı keçirilib

İqtisadi Əməkdaşlıq və İnkişaf Təşkilatı (İƏİT) və İqtisadiyyat Nazirliyinin birgə təşkilatçılığı ilə “Azərbaycanda şirkətlərin rəqəmsallaşması” mövzusunda hibrid formatda tədbir keçirilib. Tədbirdə bir sıra dövlət qurumlarının, eləcə də İƏİT üzvü olan ölkələrin Azərbaycandakı səfirliklərinin və ticarət palatalarının nümayəndələri iştirak ediblər.  

Tədbirdə iqtisadiyyat nazirinin müavini Sahib Məmmədov, Avropa Komissiyasının Qonşuluq və Genişlənmə Danışıqları Baş Direktorluğunun Şərq Tərəfdaşlığı ölkələri ilə iqtisadi əməkdaşlıq şöbəsinin rəhbəri Jerar Odaz və digərləri çıxış edib, “Azərbaycanda şirkətlərin rəqəmsallaşmasının təşviqi” və “COVID-19-dan sonra Şərq Tərəfdaşlığı ölkələrində biznesin rəqəmsal transformasiyasının sürətləndirilməsi” mövzularında hesabatların təqdimatı keçirilib və müzakirələr aparılıb.

KOBİA-nın İdarə Heyətinin sədri Orxan Məmmədov tədbirdəki çıxışında İƏİT-nin Azərbaycanda KOB-ların rəqəmsallaşdırılması sahəsində təşəbbüslərinin önəmini vurğulayıb, bu sahədə ölkədə görülən işlər, həmçinin KOB-larla bağlı prioritetlər barədə danışıb. Qeyd edilib ki, iqtisadi inkişafda vacib rol oynayan KOB-lar ölkədə sahibkarlıq subyektlərinin böyük əksəriyyətini təşkil edir və onların müasir trendlərə uyğun inkişafı, o cümlədən rəqəmsallaşması mühüm əhəmiyyət kəsb edir. Pandemiya KOB-ların fəaliyyətinə mənfi təsir göstərib və rəqəmsallaşmanı daha da aktuallaşdırıb. Bütün bunlar nəzərə alınmaqla hökumət tərəfindən rəqəmsallaşmanın geniş tətbiqinə xüsusi diqqət göstərilir. Orxan Məmmədov KOBİA-nın KOB-ların rəqəmsallaşması, Agentlik tərəfindən onlara göstərilən dəstək və xidmətlər barədə məlumat verib.

Powered by Froala Editor