Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Qars Ticarət və Sənaye Palatasının biznes nümayəndə heyəti üçün Azərbaycanın biznes və investisiya imkanlarına dair təqdimat keçirilib KOBİA könüllülük proqramı ilə bağlı nəticələri açıqlayıb: 850-yə yaxın gənc real iş mühitində təcrübə qazanıb Naxçıvanda 2-ci Azərbaycan-Türkiyə Regional İqtisadi Forumu keçirilib KOBİA startap yarışları ilə yerli layihələrin investorlar üçün cəlbediciliyini artırır KOBİA startapların inkişafı üçün yeni proqramlar tətbiq edəcək Xarici investorların Azərbaycan startaplarına marağı artıb Sənaye, kənd təsərrüfatı və nəqliyyat sahələri üzrə texniki reqlament layihələrinin ictimai müzakirəsi keçirilib Sahibkarların fəaliyyət mühitinin yaxşılaşdırılması ilə bağlı ictimai müzakirə keçirilib Azərbaycan və İordaniya KOB-ları arasında əməkdaşlığın genişləndirilməsi üçün sənəd imzalanıb Azərbaycan məhsulları “Halal Expo 2025” sərgisində
Azərbaycan və Rusiya arasında sərhədyanı işgüzar əməkdaşlığın inkişafına dair dəyirmi masa keçirilib 15.06.19
Azərbaycan və Rusiya arasında sərhədyanı işgüzar əməkdaşlığın inkişafına dair dəyirmi masa keçirilib

Azərbaycan və Rusiyanın kiçik və orta biznes (KOB) subyektləri arasında sərhədyanı əməkdaşlığın inkişafına dair müzakirələr aparılıb.

Rusiya Federasiyasının Dağıstan Respublikasının Mahaçqala şəhərində təşkil olunmuş dəyirmi masada Azərbaycan və Rusiya arasında xüsusilə sərhədyanı bölgələrdə kiçik və orta sahibkarlıq sahəsində əməkdaşlıq imkanları, KOB-lar arasında birgə layihələrin reallaşdırlması məsələləri müzakirə edilib.

Azərbaycan Respublikasının Kiçik və Orta Biznesin İnkişafı Agentiyinin (KOBİA) və Rusiyanın “Kiçik və Orta Sahibkarlıq Korporasiyası”nın təşkilatçılığı ilə keçirilmiş dəyirmi masada Dağıstanın İqtisadiyyat və ərazi inkişaf nazirinin müavini Hacıamin Ramaldanov, "Dağıstanın İnkişafı Korporasiyası" ASC-nin baş direktoru vəzifəsini icra edən Rinat Turabov, Azərbaycan Nar İstehsalçıları və İxracatçıları Assosiasiyasının və “Binə Aqro” MMC-nin nümayəndələri, eləcə də Azərbaycan və Rusiya tərəfindən sahibkarlar iştirak ediblər.

Tədbirdə çıxış edən KOBİA-nın İdarə Heyətinin sədri Orxan Məmmədov sahibkarlığın inkişafının Azərbaycan və Rusiya üçün prioritet olduğunu, hər iki ölkənin iqtisadiyyatının inkişafında KOB-ların rolunun artdığını və sahibkarların bir sıra dəstək mexanizmlərindən yararlandığını qeyd edib. Bildirilib ki, KOBİA kiçik və orta sahibkarlar arasında sərhədyanı əməkdaşlığın genişləndirilməsində böyük potensial görür və yerli şirkətlər bu sahədə əməkdaşlığa təşviq olunur.

Rusiyanın “Kiçik və Orta Sahibkarlıq Korporasiyası”nın icraçı direktoru Aleksandr Braverman Rusiyada kiçik və orta sahibkarlığın inkişafı, bu sahədə qanunvericiliyə edilmiş dəyişikliklər və dəstək tədbirləri, Azərbaycan və Rusiya KOB-ları arasında əməkdaşlıq imkanları barədə danışıb, sərhədyanı əməkdaşlığın inkişafının əhəmiyyətini vurğulayıb.

Dəyirmi masada Azərbaycan və Rusiyanın KOB subyektləri arasında sərhədyanı əməkdaşlığın inkişafına dair bir sıra təkliflər səsləndirilib, qarşılıqlı biznes missiyaların təşkili barədə təklif sahibkarlar tərəfindən maraqla qarşılanıb.

Qeyd edək ki, dəyirmi masa 2018-ci ildə KOBİA və Rusiyanın “Kiçik və Orta Sahibkarlıq Korporasiyası” arasında imzalanmış Anlaşma Memorandumu və Yol Xəritəsində nəzərdə tutulan tədbirlərin icrası məqsədilə təşkil edilib. İlk belə dəyirmi masa 2018-ci ildə Bakıda təşkil olunmuş 9-cu Azərbaycan-Rusiya Regionlararası Forumu çərçivəsində keçirilib.

Powered by Froala Editor