Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
İnvestisiya qoyuluşu üçün imkanlar genişlənir: investisiya təşviqi mexanizmi artıq 17 strateji istiqaməti əhatə edir İşğaldan azad edilmiş ərazilər investorlar üçün geniş imkanlar təqdim edir Anım Gününə həsr olunmuş qanvermə aksiyası keçirilib Altun Yasinli: “Klasterləşmə mövcud resurslardan daha səmərəli istifadəyə imkan yaradır” “Performance System”in fəaliyyətinin mərkəzində startap yanaşması dayanır - MÜSAHİBƏ Omanın RIYADA təşkilatının nümayəndə heyəti “Bakı KOB evi”ndə olub Könüllü qanvermə aksiyası keçiriləcək Sahibkarlar lisenziyalar üçün KOB evlərinə müraciət edə bilərlər KOBİA nümayəndələri Türkiyədə keçirilən beynəlxalq seminarda iştirak ediblər Vergi güzəşti ilə böyüyən “InnMedia”: Çin nəhəngi ilə yeni tərəfdaşlıq müqaviləsi, ABŞ-yə dair planlar...
Azərbaycan və Qətər KOB sahəsində potensiallarından istifadə edərək əlaqələri genişləndirəcək 25.12.19
Azərbaycan və Qətər KOB sahəsində potensiallarından istifadə edərək əlaqələri genişləndirəcək

Qətər Dövlətinin Azərbaycan Respublikasındakı fövqəladə və səlahiyyətli səfiri Feysal bin Abdullah Həməd Abdullah Al Hinzab Kiçik və Orta Biznesin İnkişafı Agentliyində (KOBİA) olub.

KOBİA-nın İdarə Heyətinin sədri Orxan Məmmədovla keçirilmiş görüşdə ölkələrimiz arasında əməkdaşlığın inkişafından, əlaqələrin genişləndirilməsi üçün görülən işlərdən məmnunluq ifadə olunub, hər iki ölkənin kiçik və orta sahibkarlıq sahəsində böyük potensiala malik olduğu vurğulanıb.

KOB sahəsində əməkdaşlıq imkanlarına dair ətraflı fikir mübadiləsinin aparıldığı görüşdə Azərbaycanda mikro, kiçik və orta sahibkarlığa göstərilən dəstək, bu sahədə KOBİA-nın fəaliyyəti barədə məlumat verilib. Qətər Dövlətinin səfiri Azərbaycanda həyata keçirilən iqtisadi islahatları, ölkəmizdə KOB sektorunun gücləndirilməsi üçün görülən işləri yüksək qiymətləndirib.

Görüşdə KOBİA ilə Qətərin KOB sahəsində fəaliyyət göstərən qurumları arasında əlaqələrin inkişafına, müvafiq sahədə əldə olunmuş nailiyyətlərlə tanışlıq və təcrübə mübadiləsi məqsədilə 2020-ci ildə Qətərə səfərin təşkilinə, Azərbaycan Respublikası Hökuməti ilə Qətər Dövləti Hökuməti arasında Birgə İqtisadi, Ticarət və Texniki Komissiyanın növbəti iclası çərçivəsində biznes forumun keçirilməsinə, investisiya layihələrinin qarşılıqlı mübadiləsinə, Qətər iş adamlarının iştirakı ilə ölkəmizdə birgə müəssisələrin yaradılmasına, gələn il KOB-larla bağlı Qətərdə təşkil olunacaq beynəlxalq əhəmiyyətli tədbirlərdə Azərbaycan sahibkarlarının iştirak imkanlarına, birgə Biznes Şurasının yaradılmasına dair müzakirələr aparılıb.

Powered by Froala Editor