Ər-Riyad şəhərində keçirilmiş Azərbaycan Respublikası Hökuməti ilə Səudiyyə Ərəbistanı Krallığı Hökuməti arasında iqtisadiyyat, ticarət, investisiya, texnika, mədəniyyət, idman və gənclər sahələrində əməkdaşlıq üzrə Müştərək Komissiyanın 6-cı iclası çərçivəsində İnvestisiya Seminarı təşkil olunub.
Hər iki ölkədən rəsmi şəxslərin və iş adamlarının iştirakı ilə keçirilmiş tədbirdə Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov təqdimatla çıxış edib. Təqdimatda ölkəmizdə KOB-ların fəaliyyətinə, KOBİA tərəfindən sahibkarlara göstərilən dəstək və xidmətlərə, Agentliyin Səudiyyə Ərəbistanın müvafiq qurumları ilə uğurlu əməkdaşlığına dair məlumat verilib, eləcə də iş adamları arasında əlaqələrin genişləndirilməsinə dair təkliflər səsləndirilib.
Powered by Froala Editor
