KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

İtaliya-Azərbaycan dəyirmi masası keçirilib Sahibkarların "yaşıl layihə"ləri KOBİA tərəfindən dəstəklənir Masallıda “KOB FEST” sərgi-satış yarmarkası keçiriləcək Startaplara dəstək üçün dövlət və özəl sektor əməkdaşlığı çərçivəsində yeni layihəyə start verilib "KOB könüllüləri" proqramına daha 54 gənc qoşulub "Recepta" startapının uğur hekayəsi Atmosfer havasının mühafizəsi ilə bağlı sənaye və ictimai iaşə sahəsində fəaliyyət göstərən sahibkarlarla görüş keçirilib Şamaxı, Yardımlı və Qazaxda sahibkarlarla görüşlər keçirilib Sürücülər üçün yeni “Avto-SOS” mobil tətbiqi hazırlanıb 60-a yaxın KOB subyektinin məhsul və xidmətlərinin satışına dəstək göstərilib

Azərbaycan məhsulları “Russia Halal Expo” sərgisində 28.07.21

İyulun 28-də Rusiya Federasiyasının Tatarıstan Respublikasının Kazan şəhərində “Russia Halal Expo 2021” Sərgisi öz işinə başlayıb.

Sərgidə Azərbaycan Respublikasının İqtisadiyyat Nazirliyinin və Kiçik və Orta Biznesin İnkişafı Agentliyinin (KOBİA) dəstəyi ilə Azərbaycan məhsulları da nümayiş olunur. Azərbaycanın stendində sahibkarlar tərəfindən müxtəlif ət məhsulları, meyvə şirələri, mürəbbə və cemlər, bitki yağları, un və un məhsulları və s., eləcə də yerli məhsulların ixracı ilə məşğul olan şirkətlərin xidmətləri təqdim edilir.

Bu gün “Russia Halal Expo 2021” sərgisinə gələn Rusiya Federasiyasının iqtisadi inkişaf naziri Maksim Reşetnikov və Tatarıstan Respublikasının prezidenti Rustam Minnixanov Azərbaycanın stendini də ziyarət ediblər.

Qeyd edək ki, “Russia Halal Expo 2021” Sərgisi 12-ci “Rusiya – İslam dünyası: Kazan Sammit 2021” Beynəlxalq İqtisadi Sammiti çərçivəsində təşkil olunub. İyulun 30-dək davam edəcək sərginin məqsədi MDB və digər ölkələrin istehsalçılarına halal məhsullarını və müxtəlif xidmətləri təqdim etməkdə, alıcı və satıcılara yeni satış bazarları və etibarlı təchizatçı tapmaqda dəstək olmaqdır.