Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
İnvestisiya qoyuluşu üçün imkanlar genişlənir: investisiya təşviqi mexanizmi artıq 17 strateji istiqaməti əhatə edir İşğaldan azad edilmiş ərazilər investorlar üçün geniş imkanlar təqdim edir Anım Gününə həsr olunmuş qanvermə aksiyası keçirilib Altun Yasinli: “Klasterləşmə mövcud resurslardan daha səmərəli istifadəyə imkan yaradır” “Performance System”in fəaliyyətinin mərkəzində startap yanaşması dayanır - MÜSAHİBƏ Omanın RIYADA təşkilatının nümayəndə heyəti “Bakı KOB evi”ndə olub Könüllü qanvermə aksiyası keçiriləcək Sahibkarlar lisenziyalar üçün KOB evlərinə müraciət edə bilərlər KOBİA nümayəndələri Türkiyədə keçirilən beynəlxalq seminarda iştirak ediblər Vergi güzəşti ilə böyüyən “InnMedia”: Çin nəhəngi ilə yeni tərəfdaşlıq müqaviləsi, ABŞ-yə dair planlar...
AQEM-in Biznes Şurası çərçivəsində e-ticarət mövzusunda vebinar keçirilib 21.11.25
AQEM-in Biznes Şurası çərçivəsində e-ticarət mövzusunda vebinar keçirilib

Tədbirdə KOB-ların qlobal bazarlara çıxışında e-ticarət platformalarının rolu, e-ticarət sahəsində təlim və dəstək mexanizmləri barədə müzakirələr aparılıb.

Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Biznes Şurası çərçivəsində Kiçik və Orta Biznesin İnkişafı Agentliyi (KOBİA) və AQEM Katibliyinin birgə təşkilatçılığı ilə “KOB-ların ticarətdə iştirakının gücləndirilməsi: e-ticarətin inkişafı ilə bazarlara çıxışın genişləndirilməsi” mövzusunda beynəlxalq vebinar keçirilib. 

Onlayn formatda təşkil olunan tədbirdə AQEM-ə üzv dövlətlərin müvafiq qurumlarının nümayəndələri iştirak edib. Vebinarda Azərbaycan, İordaniya, Rusiya, Hindistan və Tailanddan olan qurumların təmsilçiləri təqdimatlarla çıxış ediblər. Təqdimatlarda Azərbaycanın investisiya imkanları, KOB-ların qlobal bazarlara çıxışında e-ticarət platformalarının rolu, KOB-ların xarici iqtisadi fəaliyyətini e-ticarət vasitəsilə genişləndirmək üçün mövcud alətlər, e-ticarət sahəsində təlim və dəstək mexanizmləri barədə məlumat verilib. Tailandın KOB-ların rəqəmsal transformasiyası ilə bağlı təcrübəsi nümunə kimi təqdim edilib. Müzakirələrdə həmçinin, rəqəmsal platformalar vasitəsilə transsərhəd ticarətdə KOB-ların iştirakının artırılması, logistika həllərinin təkmilləşdirilməsi, AQEM-ə üzv dövlətlərin məsul qurumları arasında təcrübə mübadiləsi və birgə təşəbbüslərin reallaşdırılması üçün əməkdaşlıq imkanlarına toxunulub.

Qeyd edək ki, Azərbaycan 2024–2026-cı illər üzrə AQEM-ə sədrlik edir. AQEM yanında Biznes Şuraya Azərbaycan tərəfindən KOBİA rəhbərlik edir. Bu çərçivədə keçirilən vebinarlar KOB-ların regional ticarətdə iştirakının gücləndirilməsinə, üzv ölkələr arasında əməkdaşlıq və təcrübə mübadiləsinə xidmət edir. 

Powered by Froala Editor