KOBİA və AQEM Katibliyinin təşkilatçılığı ilə məlumatlandırma və təcrübə mübadiləsi məqsədilə seminar keçirilib. 

Kiçik və Orta Biznesin İnkişafı Agentliyinin (KOBİA) və Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Katibliyinin birgə təşkilatçılığı ilə “KOB-ların yaşıl iqtisadiyyat təcrübələrinin tətbiqinə dair siyasət və praktiki yanaşmalar” mövzusunda onlayn seminar təşkil olunub.

Tədbirə Azərbaycan, Qazaxıstan, İordaniya, Türkiyə, Rusiya, Banqladeş, İsrail, Kamboca, Tayland və digər ölkələrdən müvafiq sahədə ixtisaslaşmış qurumların nümayəndələri və ekpertlər qatılıblar.  

Müvafiq ölkələrin nümayəndələri tərəfindən seminarda KOB-ların yaşıl transformasiyası, bu istiqamətdə müxtəlif ölkələrin prioritetləri və siyasət gündəliyi, yaşıl fəaliyyətə keçidi dəstəkləyən dövlət alətləri, hədəfli proqramlar, yaşıl prinsiplərin sahibkarların gündəlik fəaliyyətinə inteqrasiyasına dair təqdimatlar keçirilib. Təqdimatlarda KOSGEB və JEDCO kimi ixtisaslaşmış qurumların təcrübəsi, biznes assosiasiyalarının və özəl sektorun yanaşmaları da əhatə olunub. 

Tədbirdə dayanıqlı iqtisadi inkişafın təmin olunmasında KOB-ların roluna, yaşıl keçidin əhəmiyyətinə və ekoloji cəhətdən məsuliyyətli biznes modellərinin təşviqinə dair fikir mübadiləsi aparılıb. Həmçinin, bu sahədə beynəlxalq əməkdaşlığın gücləndirilməsi və KOB-ların “yaşıl iqtisadiyyat”a inteqrasiyası üzrə əməkdaşlıq imkanları nəzərdən keçirilib, iştirakçıların sualları cavablandırılıb.

Powered by Froala Editor