KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

KOBİA “Rusiya-İslam dünyası: Kazan Forumu” çərçivəsində keçirilən dəyirmi masada təmsil olunub KOBİA “Ambisiyaların artırılması və fəaliyyətə təkan: COP29 Dayanıqlı Biznes Forumu”nda təmsil olunub KOB-lar “Caspian Agro” və “İnterFood Azerbaijan” sərgilərində məhsul və xidmətlərini təqdim edir Azərbaycanda ilk dəfə süni intellektlə işləyən reklam robotu hazırlanıb KOB subyektləri haqqında məlumatlar vahid reyestrdə toplanacaq “Bakı KOB evi”ndə “Heydər Əliyev - unudulmaz lider” adlı foto-xalça sərgisi keçirilib KOB Model Müəssisəsi istehsal prosesində məhsuldarlığı və səmərəliliyi artırır Ölkə sərhədlərini aşan startaplarımız KOBİA Türkiyənin DEİK təşkilatı, eləcə də SESRİC ilə sənədlər imzalayıb Fəaliyyət göstərdiyi ərazidən asılı olmayaraq sahibkarlar istənilən KOB evinin xidmətindən yararlana bilərmi?

Yerli startapları “mələk investor”larla əlaqələndirmək üçün tədbir keçirilib 15.02.23

Yerli startapların Dünya Biznes Mələkləri İnvestisiya Forumunun (WBAF) sədri Baybars Altuntaşla görüşü təşkil olunub. Qeyd edək ki, WBAF sıralarında dünyanın 132 ölkəsindən 1400-dən çox “mələk investor”u birləşdirir və 10 ölkədə ofisi fəaliyyət göstərir. WBAF ilə görüşün məqsədi yerli startapları “mələk investor”larla əlaqələndirmək və onları xarici bazarlara çıxış imkanları barədə məlumatlandırmaqdır.

Kiçik və Orta Biznesin İnkişafı Agentliyinin (KOBİA) təşkilatçılığı ilə “Bakı KOB evi”ndə təşkil edilmiş “Startaplar: Dünyaya çıxış imkanları” mövzusunda tədbirə 80-ə yaxın startap qatılıb.

Tədbirdə KOBİA-nın İdarə Heyətinin sədri Orxan Məmmədov ölkəmizdə innovativ sahibkarlığın inkişafına dəstək məqsədilə KOBİA-nın startap, mikro və kiçik sahibkarlara göstərdiyi müxtəlif dəstək və xidmətlər barədə məlumat verib. Qeyd olunub ki, Agentlik tərəfindən rəqəmsal iqtisadiyyatın əsas komponentləri olan elektron ticarət, elektron idarəetmə, elektron ödəniş, nəqliyyat-logistika, elektron kənd təsərrüfatı, biznes üçün rəqəmsal həllər üzrə startaplara qrant və “Startap” şəhadətnaməsi verilib. Startaplar üçün “Bakı KOB evi”ndə Startap İnkişaf Mərkəzi fəaliyyət göstərir, Agentliyin KOB inkişaf mərkəzləri tərəfindən innovativ biznesə dair müxtəlif təlimlər keçirilir, tədbirlər təşkil olunur.

Dünya Biznes Mələkləri İnvestisiya Forumunun (WBAF) sədri Baybars Altuntaş WBAF-ın startapların xarici bazarlara çıxışına dair təcrübəsini bölüşüb, bu sahədə imkanlara və startap layihələrinin maliyyələşdirilməsi üçün “mələk investor”ların tələblərinə dair təqdimatla çıxış edib, startapların suallarını cavablandırıb.

KOBİA-nın İdarə Heyəti sədrinin müşaviri Zaur Qardaşov isə yerli startaplar üçün ölkəmizdə mövcud olan dövlət dəstəyi mexanizmləri barədə ətraflı məlumat verib.