We believe Azerbaijan’s socio-economic development is closely linked with entrepreneurship and its future development!
27 June – International Day of Micro-, Small and Medium-sized Enterprises: SMEs Changing the World A reception of entrepreneurs will be held in Balakan Businessmen of the Nigde (Niğde) Region of Türkiye Visited the Baku SME House Investment Portal: A Support Tool Bringing Together Entrepreneurs and Investors on One Platform Azerbaijan Pavilion Featured at IsDB’s 14th Private Sector Forum Exhibition Winners of the Startup Competition Held Within the Framework of the Islamic Development Bank Group Annual Meetings Announced Support for Expanding Sales Opportunities of SMEs The “7th Local Companies Promotion Exhibition” is being held HELF and AZHAB Forums Held in Baku During the 51st Annual Meetings of the Islamic Development Bank Group Startup Competition Launched Within the Framework of the IsDB Annual Meetings
Gənc Sahibkarların V Forumu keçirilib 03.02.25
Gənc Sahibkarların V Forumu keçirilib

Gənc Sahibkarların V Forumunda sahibkarlığa maraq göstərən gənclər və startaplar biznesə göstərilən dəstək tədbirləri, gənclər arasında sahibkarlığın təşviqi, bu istiqamətdə həyata keçirilən layihələr barədə məlumatlandırılıb. 

Gənclər və İdman Nazirliyi, Azərbaycan Respublikasının Gənclər Fondu və Kiçik və Orta Biznesin İnkişafı Agentliyinin (KOBİA) birgə təşkilatçılığı ilə “Bakı KOB evi”ndə Gənc Sahibkarların V Forumu keçirilib. 

Artıq ənənə halını alan Gənc Sahibkarlar Forumunun başlıca məqsədi gənclər arasında sahibkarlıq fəaliyyətinin təşviqi, biznes layihələrinin reallaşdırılması istiqamətində mövcud imkanlar və dövlət dəstəyi mexanizmləri haqqında onların məlumatlandırılması, öz bizneslərini qurmaları üçün ilkin biliklərə yiyələnmələrinə dəstək olunması, sahibkarlıq subyektlərinin şəbəkələşməsidir.

Sahibkarlıq ekosisteminin fəal üzvlərinin və biznesə marağı olan 100-dən çox gəncin iştirak etdiyi forum Azərbaycan Respublikasının Dövlət Himninin səsləndirilməsi ilə başlayıb. 

Forumda gənclər və idman naziri Fərid Qayıbov, KOBİA-nın İdarə Heyətinin sədri Orxan Məmmədov və Azərbaycan Respublikasının Gənclər Fondunun icraçı direktoru vəzifəsini icra edən Qədir Xəlilov çıxış edərək ölkəmizdə uğurla həyata keçirilən gənclər siyasəti, sahibkarlığın inkişafı və təşviqi istiqamətində görülən işlər, dövlət dəstəyi tədbirləri, sahibkar düşüncə tərzinin formalaşdırılması, gənclərin bilik və bacarıqlarının artırılması yönündə həyata keçirilən layihələr, gənc sahibkarların texnoloji yeniliklərə marağı, sahibkarlıq fəaliyyətində yaşıl düşüncənin təbliği barədə fikirlərini bölüşüblər. Forumda həmçinin, Qlobal Sahibkarlıq Şəbəkəsinin prezidenti Conatan Ortmansın video müraciəti də dinlənilib. 

Tədbir çərçivəsində innovativ biznes ideyaları və uğurlu sahibkarlıq fəaliyyəti olan gənclərin fikir mübadiləsinə məhsuldar şərait yaradan “Gənclərin sahibkarlıq fəaliyyəti müasir dünyanın nəbzində” mövzusunda panel müzakirə də təşkil edilib. Paneldə Azərbaycan Respublikasının Gənclər Fondunun moderatorluğu ilə “Xsolla Baku” MMC, “BuyLink” MMC, “Snackpack” MMC və “Kibertəhlükəsizlik platforması” MMC-nin nümayəndələri və gənclər arasında real təcrübələrə əsaslanan və müasir dövrün çağırışlarına cavab olaraq innovativ sahibkarlıq düşüncəsinin formalaşdırılması, sahibkarlıq ekosisteminin inkişafının özü ilə gətirdiyi yeni iş modelləri, dəyişən trendlər və imkanlar mövzusunda müzakirələr aparılıb.

Powered by Froala Editor