SMB

We believe Azerbaijan’s socio-economic development is closely linked with entrepreneurship and its future development!

Investment opportunities expand: the investment promotion mechanism now covers 17 strategic directions The territories liberated from occupation provide extensive opportunities for investors A blood donation campaign dedicated to Remembrance Day was held Delegation of representatives of the RIYADA organization from Oman visited “Baku SME House” Volunteer blood donation campaign will be held Entrepreneurs can apply to SME Houses to obtain licenses KOBİA representatives participated in an international seminar held in Turkey The next meeting of the permanent Coordination Group operating under KOBİA was held The next professional trainings within the framework of the “Karabakh SMEs 2026” project have been completed The provision of consulting services for entrepreneurs continues

WUF13 çərçivəsində Biznes Assambleyasının sessiyası keçirilib 19.05.26

KOBİA-nın da təmsil olunduğu tədbirdə əlçatan mənzil təminatı, urbanizasiya və tikinti sahəsində KOB-ların iştirak imkanları ətrafında fikir mübadiləsi aparılıb.

Bakıda keçirilən Ümumdünya Şəhərsalma Forumunun On Üçüncü Sessiyası (WUF13) çərçivəsində Biznes Assambleyasının sessiyası və panel müzakirələri təşkil olunub. “Müxtəlif bazar kontekstlərində inkişafın təmin edilməsi: Planlaşdırma, torpaq və dəstəkləyici çərçivələr” mövzusunda panel müzakirədə mənzil tikintisi sahəsində mövcud problemlər, torpaq, şəhərsalma və tikinti qaydalarının prosesə təsiri, əlçatan mənzil təminatı, qeyri-formal yaşayış məntəqələri, urbanizasiya və dövlət siyasəti ilə yerli icra imkanları ətrafında fikir mübadiləsi aparılıb. Tədbir iştirakçıları həmçinin KOB-ların müvafiq sahədə fəaliyyətini və perspektivləri müzakirə ediblər.

Paneldə Özbəkistanın iqtisadiyyat və maliyyə nazirinin birinci müavini İlhom Norqulov, Cənubi Afrika Yerli Hökuməti Assosiasiyasının baş icraçı direktoru Sithole Mbanqa, “PwC Azərbaycan” şirkətinin direktoru Günel Sadiyeva, “IND” şirkətinin nümayəndəsi Karina Garnaqa, “Monocle” media brendinin baş xarici müxbiri Karlota Rebelo ilə yanaşı, Kiçik və Orta Biznesin İnkişafı Agentliyinin (KOBİA) İdarə Heyəti sədrinin müavini Rüfət Atakişiyev də iştirak edib.

KOBİA tərəfindən dayanıqlı şəhər infrastrukturunun qurulmasında kiçik və orta biznes subyektlərinin tikinti layihələrində iştirakının önəmli olduğu bildirilib. Qeyd edilib ki, KOB-lar tikinti və urbanizasiya sahəsində mühüm rol oynayır və onların fəaliyyəti regionlarda iqtisadi aktivliyin artmasına, yeni iş yerlərinin yaranmasına və yerli istehsalın inkişafına töhfə verir. Azərbaycanda rəqəmsal xidmətlər, “vahid pəncərə” yanaşması və müxtəlif dəstək mexanizmləri sahibkarlar üçün daha əlverişli biznes mühitinin formalaşmasına xidmət edir. KOB-ların tikinti və şəhər inkişafı ilə bağlı istehsal, mühəndislik, logistika, texnologiya və texniki dəstək sahələrində iştirak imkanları genişdir.