SMB

We believe Azerbaijan’s socio-economic development is closely linked with entrepreneurship and its future development!

Startup Competition Launched Within the Framework of the IsDB Annual Meetings HELF/AZHAB Forum 2026 to Be Held Within the Framework of the IsDB Group Annual Meetings in Baku A meeting with entrepreneurs was held in the Khizi district For the attention of micro and small entrepreneurs wishing to present their products and services at the “Local Companies Promotion Exhibition!” ANNOUNCEMENT WUF13 Hosts Awareness Event for Entrepreneurs The project “Women Entrepreneurs in Successful Partnership” has been completed Growing role of women in business: from state support to sustainable development Rwandan Delegation Familiarized with the SMB House Model A survey is being conducted among startups

Ukrayna - Azərbaycan Biznes Şurası çərçivəsində dəyirmi masa keçirilib 07.05.26

Azərbaycan və Ukrayna iş adamlarının iştirakı ilə keçirimiş tədbirdə şirkətlər tərəfindən təqdimatlar keçirilib, qarşılıqlı maraq doğuran sahələr üzrə müzakirələr aparılıb.

“Bakı KOB evi”ndə Kiçik və Orta Biznesin İnkişafı Agentliyinin (KOBİA) təşkilatçılığı ilə Ukrayna - Azərbaycan Biznes Şurası çərçivəsində dəyirmi masa təşkil olunub. Hibrid formatda keçirilən tədbirdə Azərbaycan və Ukrayna işgüzar dairələri arasında əməkdaşlıq imkanları, qarşılıqlı maraq doğuran sahələr və “B2B” əlaqələrin inkişafı müzakirə olunub.

Tədbirdə KOBİA-nın İdarə Heyəti sədrinin müavini Rüfət Atakişiyev, Ukrayna Ticarət və Sənaye Palatası Şurasının üzvü, Beynəlxalq əməkdaşlıq direktoratının direktoru Anna Liubyma, AZPROMO-nun icraçı direktorunun müşaviri Şəbnəm Allahverdiyeva, Ukrayna-Azərbaycan Biznes Şurasının Azərbaycan tərəfindən həmsədri Şahin Yusifov və Ukrayna tərəfindən sədr müavini Cəlal Hüseynov çıxış ediblər. Çıxışlarda Azərbaycan və Ukrayna sahibkarları arasında birbaşa əlaqələrin qurulmasının, ticarət və investisiya sahəsində yeni imkanların dəyərləndirilməsinin, həmçinin praktik nəticələrə yönəlmiş biznes əməkdaşlığının genişləndirilməsinin əhəmiyyəti vurğulanıb. Qeyd olunub ki, “Bakı KOB evi”ndə xarici nümayəndə heyətləri ilə yerli sahibkarlar arasında belə görüşlərin təşkili artıq ənənəyə çevrilib və bu format sahibkarlar üçün bazar imkanlarını öyrənmək, tərəfdaşlar tapmaq və konkret əməkdaşlıq istiqamətlərini müəyyənləşdirmək baxımından faydalı platformadır.

Dəyirmi masada qida sənayesi, logistika və yükdaşımalar, kənd təsərrüfatı, turizm, inşaat və s. kimi sahələr üzrə şirkətlər iştirak ediblər.

Tədbir çərçivəsində Azərbaycan və Ukrayna şirkətlərinin təqdimatları dinlənilib, qarşılıqlı maraq doğuran sahələr üzrə fikir mübadiləsi aparılıb, “B2B” görüşlər keçirilib.