SMB

We believe Azerbaijan’s socio-economic development is closely linked with entrepreneurship and its future development!

Investment opportunities expand: the investment promotion mechanism now covers 17 strategic directions The territories liberated from occupation provide extensive opportunities for investors A blood donation campaign dedicated to Remembrance Day was held Delegation of representatives of the RIYADA organization from Oman visited “Baku SME House” Volunteer blood donation campaign will be held Entrepreneurs can apply to SME Houses to obtain licenses KOBİA representatives participated in an international seminar held in Turkey The next meeting of the permanent Coordination Group operating under KOBİA was held The next professional trainings within the framework of the “Karabakh SMEs 2026” project have been completed The provision of consulting services for entrepreneurs continues

Sahibkarların təkliflərinə İqtisadiyyat üzrə İşçi Qrupunda baxılır 31.03.20

Məlumat verildiyi kimi, koronavirus (COVİD-19) pandemiyasının sahibkarlığa təsirlərinin araşdırılması məqsədilə turizm, ictimai iaşə, ticarət, nəqliyyyat-logistika, özəl məktəbəqədər təhsil, hazırlıq kursları, idman-sağlamlıq və s. sektorlarda fəaliyyət göstərən sahibkarlıq subyektləri ilə müzakirələr aparılıb.

İqtisadiyyat Nazirliyinin təşkilatçılığı ilə videokonfrans formatında təşkil olunmuş müzakirələrdə Vergilər, Əmək və Əhalinin Sosial Müdafiəsi nazirliklərinin, Kiçik və Orta Biznesin İnkişafı, Dövlət Turizm, Bakı Nəqliyyat agentliklərinin, Dövlət Avtomobil Nəqliyyatı Xidmətinin, Azərbaycan Sahibkarlar Təşkilatları Milli Kondererasiyasının nümayəndələri iştirak ediblər.

Müzakirələrdə koronavirusun iqtisadiyyatın müxtəlif sektorlarına təsirləri, yaranmış çətinliklərdən çıxış yolları və görüləcək tədbirlər barədə müzakirələr aparılıb, sahibkarların təklifləri dinlənilib.

Biznez nümayəndələrinə koronavirus pandemiyasının iqtisadiyyata, o cümlədən sahibkarlğa təsirlərinin minimuma endirilməsi istiqamətində görülən işlər və nəzərdə tutulan tədbirlərin istiqamətləri barədə məlumat verilib, sahibkarların mövcud şəraitdə sosial məsuliyyət prinsipindən çıxış edərək, işçilərin işdən azad edilməsi və ixtisarı hallarına yol verməmələri tövsiyə olunub.

Müzakirələr zamanı sahibkarlar tərəfindən vergi güzəştləri və tətillərinin tətbiqi, sosial müdafiə ödəmələrinin təxirə salınması, kredit öhdəliklərinin, icarə xərclərinin ertələnməsi və s. barədə təkliflər səsləndirilib.

Müzakirələrdə sahibkarlar tərəfindən səsləndirilən təkliflərə hazırda İqtisadiyyat üzrə İşçi Qrupunda baxılır.

Qeyd edək ki, koronavirus infeksiyasının iqtisadiyyatın müxtəlif sektorlarına təsirlərinin öyrənilməsi məqsədilə keçirilmiş onlayn müzakirələrə ümumilikdə, 200-dən çox sahibkarlıq subyekti qoşulub, 700-dən çox sahibkar arasında sorğular aparılıb.