SMB

We believe Azerbaijan’s socio-economic development is closely linked with entrepreneurship and its future development!

27 June – International Day of Micro-, Small and Medium-sized Enterprises: SMEs Changing the World A reception of entrepreneurs will be held in Balakan Businessmen of the Nigde (Niğde) Region of Türkiye Visited the Baku SME House Investment Portal: A Support Tool Bringing Together Entrepreneurs and Investors on One Platform Azerbaijan Pavilion Featured at IsDB’s 14th Private Sector Forum Exhibition Winners of the Startup Competition Held Within the Framework of the Islamic Development Bank Group Annual Meetings Announced Support for Expanding Sales Opportunities of SMEs The “7th Local Companies Promotion Exhibition” is being held HELF and AZHAB Forums Held in Baku During the 51st Annual Meetings of the Islamic Development Bank Group Startup Competition Launched Within the Framework of the IsDB Annual Meetings

Sahibkarlar üçün “Sahibkar vaxtı” başlayır 07.05.19

Azərbaycan Respublikasının Kiçik və Orta Biznesin İnkişafı Agentliyi (KOBİA), Azərbaycan Beynəlxalq Bankı və “ASAN radio”nun tərəfdaşlığı ilə sahibkarlar üçün yeni maarifləndirici layihəyə start verilib. Birgə layihə çərçivəsində hər həftə “ASAN radio”da canlı olaraq “Sahibkar vaxtı” proqramı efirə gedəcək.

“Sahibkar vaxtı” verilişini hər həftənin çərşənbə axşamı, saat 19.05-də “ASAN radio”nun efirində dinləmək, eləcə də tərəfdaş qurumların Facebook-dakı korporativ səhifələrində canlı izləmək olar.

Verilişdə sahibkarlıq fəaliyyətinə aid konkret sahələr üzrə peşəkar mütəxəssislər qonaq qismində iştirak edəcəklər. Sahibkarlıq fəaliyyəti ilə məşğul olan hər kəs, xüsusilə kiçik və orta biznes təmsilçiləri burada onları maraqlandıran suallara cavab tapa biləcəklər. Məqsəd cəmiyyətimizdə biznes savadlılığının dəstəklənməsi, sahibkarların maarifləndirilməsi, onların mövcud biznes imkanları barədə məlumatlandırılmasıdır.

“Sahibkar vaxtı” verilişini iqtisadçı-jurnalist Əli Əhmədov aparacaq.

Azərbaycan Respublikasının Kiçik və Orta Biznesin İnkişafı Agentliyinin İctimaiyyətlə əlaqələr departamentinin mətbuat katibi Vüsalə Quliyeva qeyd edib ki, sahibkarların məlumatlandırılması baxımdan maarifləndirici verilişlər əhəmiyyətlidir: “Sahibkarlarla mütəmadi ünsiyyətimiz zamanı onların biznes fəaliyyətinin ayrı-ayrı mərhələləri üzrə müəyyən suallarının olduğunu görürük. Biznesin qurulması və inkişafı, bu sahədəki yeniliklər və dəstək mexanizmləri barədə sahibkarların məlumatlandırılması üçün “Sahibkar vaxtı” verilişi maraqlı və faydalı bir platforma olacaqdır”.

Azərbaycan Beynəlxalq Bankının Korporativ biznesin inkişafı departamentinindirektoru Ülvi Qasımov bildirib: “Kiçik və ortabiznesə dəstək layihələrimiz uğurla davam etdirilir. Getdikcə daha çox sahibkar Azərbaycan Beynəlxalq Bankının yaratdığı sərfəli kreditləşmə imkanlarından yararlanır. Tərəfdaşlıq etdiyimiz qurumlarla bu sektorun inkişafına maarifləndirici layihələrimizlə də dəstək olmağa çalışırıq. Ümid edirik ki, “Sahibkar vaxtı” verilişi niyyətimizi doğruldacaq, sahibkarlarımızın işinə kömək göstərəcək”.

Verilişin aparıcısı Əli Əhmədov isə auditoriyanın bu cür verilişlərə marağının getdikcə artdığını bildirib: “Biznes mühiti inkişaf etdikcə, cəmiyyətimizdə iqtisadi savadlılıq səviyyəsi yüksəldikcə insanlar vaxtlarını belə gərəkli verilişlərə sərf etmək istəyirlər. Biz də maksimum çalışacağıq ki, dinləyicilərimizin “Sahibkar vaxtı”na ayırdıqları zaman müqabilində onlara faydalı nələrsə verək”.