SMB

We believe Azerbaijan’s socio-economic development is closely linked with entrepreneurship and its future development!

27 June – International Day of Micro-, Small and Medium-sized Enterprises: SMEs Changing the World A reception of entrepreneurs will be held in Balakan Businessmen of the Nigde (Niğde) Region of Türkiye Visited the Baku SME House Investment Portal: A Support Tool Bringing Together Entrepreneurs and Investors on One Platform Azerbaijan Pavilion Featured at IsDB’s 14th Private Sector Forum Exhibition Winners of the Startup Competition Held Within the Framework of the Islamic Development Bank Group Annual Meetings Announced Support for Expanding Sales Opportunities of SMEs The “7th Local Companies Promotion Exhibition” is being held HELF and AZHAB Forums Held in Baku During the 51st Annual Meetings of the Islamic Development Bank Group Startup Competition Launched Within the Framework of the IsDB Annual Meetings

KOBİA nümayəndələri Almaniyada keçirilmiş tədbirlərə qatılıb 24.01.25

Səfər çərçivəsində KOBİA nümayəndələrinìn keçirdiyi görüşlərdə iki ölkə arasında biznes tərəfdaşlığın genişləndirilməsi və ticarət perspektivləri müzakirə olunub.

Yanvarın 21-də Almaniya Federativ Respublikasının Münhen şəhərində ölkəmizin Almaniyadakı Səfirliyinin və Almaniyanın Şərqi Biznes Assosiasiyasının təşkilatçılığı ilə “Yeni üfüqlərin tədqiqi: Alman şirkətləri üçün Azərbaycanda investisiya və əməkdaşlıq” mövzusunda Alman– Azərbaycan İqtisadi Forumu keçirilib. Tədbirin “Əməkdaşlığın təşviqi: Alman-Azərbaycan biznes tərəfdaşlıqları üçün stimullar” mövzusunda panelində Kiçik və Orta Biznesin İnkişafı Agentliyinin (KOBİA), Ələt Azad İqtisadi Zonasının Səlahiyyətli Qurumunun, İxracın və İnvestisiyaların Təşviqi Agentliyinin–AZPROMO-nun rəhbərləri, Rəqəmsal İnkişaf və Nəqliyyat Nazirliyinin və Energetika Nazirliyi yanında Bərpa Olunan Enerji Mənbələri Dövlət Agentliyinin səlahiyyətli şəxsləri iştirak ediblər. Forumdakı çıxışında KOBİA-nın İdarə Heyətinin sədri Orxan Məmmədov iki ölkənin biznes dairələri arasında birgə əməkdaşlığın genişləndirilməsi, KOB-ların rəqəmsallaşdırılması və “yaşıl transformasiya” sahəsində təcrübə mübadiləsi, həmçinin Almaniyanın KOB-lara dəstək mexanizmlərinin öyrənilməsi və tətbiq olunmasının əhəmiyyətli olacağını qeyd edib.

Yanvarın 23-də Maynz şəhərində keçirilmiş “Azərbaycan: Gələcəyin Qovşağı - Alman şirkətləri üçün strateji imkanlar” mövzusunda tədbirin “Azərbaycan regionda strateji qovşaq rolunda” adlı panelində çıxış edən KOBİA sədri ölkəmizdə kiçik və orta sahibkarlıq sektorunun gücləndirilməsi üçün dövlətimizin apardığı islahatlar, bunun iqtisadiyyat üçün müsbət töhfələri, eləcə də KOBİA-nın bu sahədə tətbiq etdiyi alətlər və uğurla fəaliyyət göstərən müvafiq infrastruktur barədə tədbir iştirakçılarını məlumatlandırıb.

Səfər çərçivəsində KOBİA nümayəndələri Almaniyanın Rheinhessen əyalətinin Sənaye və Ticarət Palatasının Baş icraçı direktoru Karina Svede ilə görüşüblər. Görüşdə biznes strukturları arasında birgə layihələrin həyata keçirilməsi, sektoral işgüzar səfərlərin təşkili və digər əməkdaşlıq imkanları nəzərdən keçirilib.