SMB

We believe Azerbaijan’s socio-economic development is closely linked with entrepreneurship and its future development!

HELF/AZHAB Forum 2026 to Be Held Within the Framework of the IsDB Group Annual Meetings in Baku A meeting with entrepreneurs was held in the Khizi district For the attention of micro and small entrepreneurs wishing to present their products and services at the “Local Companies Promotion Exhibition!” ANNOUNCEMENT WUF13 Hosts Awareness Event for Entrepreneurs The project “Women Entrepreneurs in Successful Partnership” has been completed Growing role of women in business: from state support to sustainable development Rwandan Delegation Familiarized with the SMB House Model A survey is being conducted among startups “Türkiye–Azerbaijan Trade Delegation and B2B Meetings” event was held

Kiçik və Orta Biznesin İnkişafı Agentliyi yanında Könüllü Şurası yaradılıb 06.12.18

İqtisadiyyat Nazirliyinin tabeliyində Kiçik və Orta Biznesin İnkişafı Agentliyi (KOBİA) yanında Kiçik və Orta Biznesin Könüllü Şurası yaradılıb və artıq Şuranın ilk iclası keçirilib.

Nazirlikdən Trend-ə verilən məlumata görə, 5 dekabr Beynəlxalq Könüllülər Günü münasibəti ilə KOBİA-da tədbir təşkil olunub. Agentlik əməkdaşlarının və könüllü gənclərin iştirakı ilə keçirilən tədbirdə Agentlik sədri Orxan Məmmədov könüllük fəaliyyətinin gənclərin işgüzar inkişafında mühüm rol oynadığını vurğulayıb, bu sahədə Agentlik tərəfindən görülən işləri diqqətə çatdırıb. Bildirilib ki, Agentlikdə “KOB Könüllüləri” Proqramına uyğun olaraq, həyata keçirilən tədbirlərin əhatə dairəsi daha da genişləndiriləcək. Könüllü Şurasının bu işin öhdəsindən layiqincə gələcəyini qeyd edən Agentlik rəhbəri gənclərin dünyagörüşünün genişləndirilməsində, bilik və bacarıqlarının artırılmasında, məşğulluğadək olan proseslərdə könüllülük fəaliyyətinin rolunu diqqətə çatdırıb. Könüllülərin təcrübə toplaması, könüllülük fəaliyyətinin təşkili və təşviqi, gənc mütəxəssislərin və tələbələrin sahibkarlığa könüllü olaraq cəlb edilməsi (“Young Internship Programmes”), eləcə də ali təhsil müəssisələri, qeyri-hökumət təşkilatları və biznes müəssisələri ilə əməkdaşlıq “KOB Könüllüləri” Proqramının əsas istiqamətləridir və işgüzar inkişafa nail olmaq istəyən gənclər Agentliyin könüllüləri sırasına qoşula bilərlər.

Qeyd edək ki, Agentliyin Könüllü Şurasını formalaşdıran ilk qrupdan ibarət könüllülər Azərbaycan Dövlət İqtisad, Bakı Mühəndislik universitetlərinin, Azərbaycan Dövlət Pedaqoji Kollecinin tələbə və magistrlarından ibarətdir.

Sonda könüllü gənclərə xüsusi könüllü geyimləri, vəsiqələr və müxtəlif hədiyyələr təqdim olunub.