SMB

We believe Azerbaijan’s socio-economic development is closely linked with entrepreneurship and its future development!

WUF13 Hosts Awareness Event for Entrepreneurs Rwandan Delegation Familiarized with the SMB House Model A survey is being conducted among startups “Türkiye–Azerbaijan Trade Delegation and B2B Meetings” event was held Reception of entrepreneurs to be held in Imishli Meeting Held with Entrepreneurs in Yardimli region Meetings with entrepreneurs were held in the regions Which Services Did Entrepreneurs Use Most in 2025 Entrepreneurs’ Appeals Were Heard Azerbaijani Products Attracted Great Interest at the International Halal Exhibition Held in Mecca

Biznesin rəqəmsallaşmasına dair maarifləndirici görüş keçirilib 27.02.25

Görüşdə rəqəmsal transformasiyanın əhəmiyyəti, innovasiyaların sahibkarlığa təsiri və rəqəmsallaşma ilə bağlı biznesin çətinlikləri və ehtiyacları müzakirə edilib.

Müasir dövrün çağırışlarından olan rəqəmsallaşma bizneslər üçün də aktualdır. Sahibkarlıq fəaliyyətinin rəqəmsallaşdırılması biznesin işini asanlaşdırmaqla, daha effektiv və səmərəli idarəetməni təmin edir, rəqabət qabiliyyətini, müştəri məmnuniyyətini və satışı artırır, xərcləri azaldır. Bununla belə, rəqəmsal bacarıqlar mütəmadi olaraq inkişaf etdirilməli, tətbiq olunan alətlər yeniləri ilə əvəz edilməlidir. Rəqəmsallaşma ilə bağlı ən vacib məsələlərdən biri isə təhlükəsizlikdir. Şirkət və müştəri məlumatlarının, eləcə də digər informasiyaların qorunması üçün bizneslər lazımi tədbirlər görməlidir.

Bu barədə bizneslərin rəqəmsallaşmasının önəmi və təşviqi, bu sahədə mövcud dəstək alətləri barədə sahibkarların məlumatlandırılması üçün təşkil olunmuş tədbirdə məlumat verilib. Kiçik və Orta Biznesin İnkişafı Agentliyinin (KOBİA) təşkilatçılığı ilə onlayn formatda keçirilən maarifləndirici görüşdə 30-a yaxın sahibkarlıq subyekti iştirak edib.

Tədbirdə Dördüncü Sənaye İnqilabının Təhlili və Koordinasiya Mərkəzinin (4SİM) nümayəndəsi rəqəmsal transformasiyanın əhəmiyyəti, strateji hədəflər və rəqəmsallaşmanın sahibkarlıq sahəsinə təsiri barədə təqdimatla çıxış edib.

KOBİA tərəfindən isə dövlətin innovativ sahibkarlığa dəstəyi, bu istiqamətdə güzəştlər barədə məlumat verilib. Qeyd olunub ki, sahibkarlar innovativ layihələrin maliyyələşdirilməsi üçün dövlətin güzəştli kredit və qrant kimi maliyyə alətlərindən, vergi güzəştlərini nəzərdə tutan “Startap” şəhadətnaməsindən və Texnologiyalar Parkının rezidentləri üçün azadolmalardan istifadə edə bilərlər. Bundan başqa, KOB-ların rəqəmsal bacarıqlarının artırılması üçün KOBİA tərəfindən ödənişsiz təlimlər keçirilir, məsləhət xidməti göstərilir.

Görüşün sonunda sahibkarların rəqəmsallaşma ilə bağlı çətinlikləri və ehtiyacları dinlənilib, sualları cavablandırılıb.