Мы связываем социально-экономическое развитие Азербайджана непосредственно с предпринимательством и его развитием.
27 июня – Международный день микро-, малых и средних предприятий: МСП, меняющие мир В Балакене будет проведен приём предпринимателей Бизнесмены региона Нигде (Niğde) Турции посетили «Бакинский дом МСП» Инвестиционный портал: инструмент поддержки, объединяющий предпринимателей и инвесторов на одной платформе В рамках Форума частного сектора Группы Исламского банка развития организован Азербайджанский павильон Были объявлены победители конкурса для стартапов, проведённого в рамках Ежегодных собраний Группы Исламского банка развития Поддержка расширения возможностей продаж для МСП Проводится «7-я Выставка по продвижению местных компаний» В рамках 51-х ежегодных собраний Группы Исламского банка развития (ИБР), состоявшихся в Баку, были проведены Форум HELF и Форум AZHAB В рамках ежегодных собраний Группы Исламского банка развития в Баку проводится конкурс для стартапов
KOBİA pandemiyadan zərər çəkmiş sahibkarların məlumatlandırılması üçün onlayn tədbirlərə başlayıb 15.04.20
KOBİA pandemiyadan zərər çəkmiş sahibkarların məlumatlandırılması üçün onlayn tədbirlərə başlayıb

Azərbaycan Respublikasının Kiçik və Orta Biznesin İnkişafı Agentliyi (KOBİA) koronavirus (COVİD-19) pandemiyasından zərər çəkmiş sahələrdə çalışan muzdlu işçilərə və fərdi (mikro) sahibkarlara maliyyə dəstəyinin göstərilməsi tədbirləri barədə sahibkarların məlumatlandırılması üçün onlayn maarifləndirmə tədbirlərinə başlayıb.

İlk belə onlayn tədbir pandemiyadan zərər çəkmiş sahələrdə çalışan muzdlu işçilərin əməkhaqqının müəyyən hissəsinin dövlət tərəfindən ödənilməsi mövzusuna həsr olunub. Onlayn tədbir çərçivəsində İqtisadiyyat Nazirliyi yanında Dövlət Vergi Xidmətinin və KOBİA-nın nümayəndələri pandemiyadan zərər çəkmiş sahibkarlıq subyektlərinin muzdlu işçilərinə əməkhaqqının ödənilməsi prosesi barədə məlumat verib, sahibkarları maraqlandıran sualları cavablandırıblar.

Onlayn tədbir KOBİA-nın "Facebook" səhifəsi (https://www.facebook.com/smb.gov.az) 0üzərindən birbaşa yayımlanıb.

Məlumat verilib ki, pandemiyanın zərər vurduğu fəaliyyət sahələrində çalışan 300 min muzdlu işçinin (əmək müqaviləsi olan) əmək haqlarının müəyyən hissəsinin ödənilməsi üçün sahibkarlara dövlət tərəfindən 215 milyon manat maliyyə dəstəyinin göstərilməsi nəzərdə tutulur. Qeydiyyatda olan bütün vergi ödəyiciləri İnternet Vergi İdarəsindəki (www.e-taxes.gov.az) şəxsi kabinetində “Pandemiya ilə bağlı maliyyə dəstəyi proqramı” bölməsindən “Əmək ödənişləri üzrə müraciət” alt bölməsinə daxil olmaqla müraciət formasını elektron qaydada doldurmalıdır. Sistem tərəfindən uyğunsuzluq aşkar edilmədikdə qısa müddət ərzində işçilərə ödənilməli olan əməkhaqqının və ona müvafiq sosial sığorta haqlarının müəyyən hissəsi işəgötürənlərin bank hesablarına köçürülür. Muzdlu işçilərin əməkhaqqının müəyyən hissəsinin ödənilməsi zamanı ölkə üzrə orta aylıq əməkhaqqı (712 manat) əsas götürülür. Vergi ödəyicilərinə ödəmələr aprel və may ayları daxil olmaqla iki mərhələdə aparılacaq.

Aprelin 16-da, saat 15.00-da isə koronavirus pandemiyasından zərər çəkmiş fərdi (mikro) sahibkarlara maliyyə dəstəyinin göstərilməsi barədə onlayn tədbir təşkil olunacaqdır. Sahibkarlar qeyd olunan saatda KOBİA-nın "Facebook" səhifəsinə qoşulmaqla onlayn tədbiri izləyə və onları maraqlandıran sualları verə bilərlər.

Qeyd: KOBİA ölkə üzrə xüsusu karantin rejiminin elan edildiyi 24 mart tarixindən etibarən kiçik və orta sahibkarlara onlayn xidmətlər göstərir (012 404-04-01, 131 Çağrı Mərkəzi, info@smb.gov.az və s.), pandemiyadan zərər çəkmiş sahibkarları Azərbaycan hökuməti tərəfindən görülən tədbirlər barədə məlumatlandırır, onları maraqlandıran sualları cavablandırır.

Powered by Froala Editor