Kiçik və Orta Biznesin İnkişafı Agentliyinin (KOBİA) nümayəndə heyəti Özbəkistan Respublikasının Daşkənd şəhərində keçirilən İslam İnkişaf Bankının İllik Toplantısı çərçivəsində İslam İnkişafı Bankı Qrupunun Özəl Sektorun İnkişafı üzrə İslam Korporasiyasının (İCD) rəhbər heyəti ilə görüş keçirib.
Görüşdə ölkəmizdə kiçik və orta biznesin inkişafının dəstəklənməsi istiqamətində KOBİA-nın həyata keçirdiyi tədbirlər, strateji fəaliyyət gündəliyi və İCD ilə mümkün əməkdaşlıq istiqamətləri barədə fikir mübadiləsi aparılıb. Həmçinin görüşdə yaradılması nəzərdə tutulan Kiçik və Orta Biznesin İnkişafı Fondunun fəaliyyətinin dəstəklənməsi, alternativ maliyyə alətləri, dövlət-özəl sektor tərəfdaşlığı layihələrinin həyata keçirilməsində birgə təşəbbüslərin reallaşdırılması və digər qarşılıqlı maraq kəsb edən məsələlər müzakirə olunub.
Powered by Froala Editor
