Mikro, kiçik və orta sahibkarların bilik və bacarıqlarının artırılması, innovasiyalara çıxışının genişləndirilməsi, müasir çağırışlara uyğun təlimlərin təşkili və praktik məsləhət xidmətlərinin göstərilməsi biznesin qurulması və inkişafı üçün əhəmiyyətlidir.

Bu məqsədlə Kiçik və Orta Biznesin İnkişafı Agentliyinin (KOBİA) strukturunda Bakı, Sumqayıt, Xaçmaz, Yevlax və Şəki şəhərlərində yerləşən 5 KOB inkişaf mərkəzi (KOBİM) fəaliyyət göstərir.

Bakı KOB İnkişaf Mərkəzi Bakı şəhəri, Sumqayıt KOB İnkişafı Mərkəzi Abşeron iqtisadi rayonu, Xaçmaz KOB İnkişafı Mərkəzi Quba-Xaçmaz iqtisadi rayonu, Yevlax KOB İnkişafı Mərkəzi Aran iqtisadi rayonu, Şəki KOB İnkişafı Mərkəzi isə Şəki-Zaqatala iqtisadi rayonu və ətraf şəhər və rayonlarda fəaliyyət göstərən sahibkarlara, həmçinin sahibkarlıq fəaliyyəti ilə məşğul olmaq istəyənlərə xidmət edir.

KOB inkişaf mərkəzlərində aşağıdakı istiqamətlər üzrə təcrübəli və peşəkar ekspertlər tərəfindən təlim və seminarlar keçirilir, fərdi və qrup halında məsləhət xidmətləri göstərilir, KOB-ların şəbəkələşməsinə, beynəlxalq proqramlarda iştirakına, maliyyə resurslarına çıxışına və s. dəstək təmin olunur:

- Biznesin planlaşdırılması

- Marketinq

- Bazar araşdırması

- Satış

- Biznes sahəsində qanunvericilik

- Maliyyənin idarə olunması

- İnsan resurslarının idarə edilməsi

- İxrac və s.

Mərkəzlərdə həmçinin, innovativ sahibkarlığa, startaplara və ailə biznesinə dəstək göstərilir, qadınlar, əlilliyi olan şəxslər və gənclər arasında sahibkarlığın təşviqi, KOB-ların məlumatlandırılması istiqamətində digər tədbirlər həyata keçirilir.

KOB inkişaf mərkəzlərində göstərilən bütün xidmətlər ödənişsizdir.

KOB inkişaf mərkəzlərində göstərilən xidmətlərin təşkili özəl sektor – Azərbaycan Bank Tədris Mərkəzi, “Universitas İnternational” MMC, "Yerli İdarəetməyə Yardım" İctimai Birliyi və "Prima consulting" MMC tərəfindən həyata keçirilir.

Powered by Froala Editor